مع انتهاء المستوى الثاني من التفكر بفضل الله كرم أصبح قادر على تعزيز وغرس محبه الله ورسولنا الكريم تعلم أكثر عن رسولنا الكريم وأخلاقه وصفاته وحياته . أصبحت مهارة الملاحظة العلمية متطورة أكثر وأصبح التفكر بوجود المخلوقات جميعاً أكثر إدراكاً لديه

بصراحة انا كثير ممتنه جزاكم الله الف خير مو مقصرين المعلمات والمعلم الله يعطيكم الف عافيه يارب. الاولاد متعلقين بالحصة وينتظروها بفارغ الصبر اللهم لك الحمد.

يوسف مكيّف وبستنى الحصص على أحر من الجمر، وهاي السنة أحسن من السنة الماضية، صار يسأل عن الدروس قبل ما ياخدها. بتذكر أسماء الله الحسنى بكتير مواقف: بحكي "أنا الله خلقني حلو، الحمد لله الكريم"، و"الحمد لله الخالق إنه خلقني إنسان مش سلحفاة"، وبس يشوف مشهد حلو بالطبيعة بحكي "سبحان الله كيف الله الخالق خلق كل هاي الأشياء الجميلة." قلّ خجله كتير وصار قيادي أكتر.

إلياس كتير متشجع هاي السنة، ولقيت فرق كبير بشخصية سارة، كونه المنهاج بركز على علاقتهم مع الوالدين، والمعلمات جدا لطيفات.

غالية سعيدة ومتفاعلة مع المعلمة في الحصص ماشاء الله. برنامج " تفكر مع أنوس " كان إضافة جميلة لروتينها اليومي ولحياتنا كعائلة والحمدلله.

متفاعل ومندمج ومبسوط، المعلمة بتدخل عالوقت بالزبط، والأولاد بستنوها على أحر من الجمر، آدم صار اجتماعي من الدرجة الأولى رغم انه كان خجول جدا و انطوائي.

دانة فعلًا استفادت كثيرًا من دورة التفكّر، والحمد لله البرنامج كان له أثر جميل وواضح عليها. لاحظنا تحسّن في تركيزها، وصارت أكثر هدوءًا وانتباهاً، ودائمًا تتحمّس للحصص وتتكلّم عنها بحب وتذكر لي في مواقف حياتية انه أخذنا في تفكر مع أنوس انه كذا وكذا. والأجمل من ذلك أن التفكّر أصبح جزءًا من حياتها؛ صارت تنتبه لخلق الله من حولها، وتتأمّل وتتفكّر معنا في خرجاتنا ورحلاتنا، وحتى في تفاصيل حياتها اليومية، وتحب تشاركنا بهذه الملاحظات، وهذا الشي يسعدني كثيرًا كأم ✨ نشكر لكم جهودكم من القلب، وسعداء جدًا بهذه التجربة

محمد مستفيد كثير من الدروس في ذكر الله ويحب أناشيد تفكر. وهو بطبعه بحب التحديات لذلك الجانب التفاعلي بركز فيه او اذا في تحدي او نشاط. بشكل عام مستفيد من البرنامج لكن يستحي يتكلم في المجموعه احيانا. احنا جربنا مدرستين. استاذه بيان واستاذه سجى وجميعهن ممتازات ماشاءالله.

كتير مستفيدين وفيه أثر واضح، والمستويات مستهدفة للعمر اللي بتنعطى إله وبتجاوب على الأسئلة اللي عند كل طفل بكل فترة عمرية. مثلا المستوى الثاني موضوع المشاعر والتفكر بنعم الله سبحانه وتعالى وعلي كمان بالمستوى الرابع بحكي علمتني المعلمة كيف اتعامل مع مشاعري وكيف تختلف طريقة التعامل إذا الشخص أصغر أو أكبر منه. صار بدل ما يرد بنفس الطريقة، بيحاول يفهم أو يبعد نفسه أو يحكي لماما وبابا.

كل المواضيع اجت بوقتها، ومس فاطمة بتعطي كل اشي عندها بشكل كامل للأطفال، حتى انه احمد اي مشكلة بواجهها بشاركها مع مس فاطمة وهي بتوجهه وحتى بتعطيني توصيات لمشاكل أحمد و كييف اتعامل معها، وبتوجه الحصة بطريقة غير مباشرة لحل المشكلات اللي بعاني منها أحمد.

من أجمل القرارات بحياتي إني دخّلت سارة بدورة تفكر، وخصوصاً مع مس فاطمة. سارة كتير مبسوطة معها وبتحبها، وبتقوم من نومها للحصة بحب وهي مبسوطة.
صارت تعرف تميّز وتختار الاسم المناسب من أسماء الله الحسنى بكلامها، مش بس تحكي "الله" وتسكت، بتقول لأختها "الله القادر قادر يخليني أضحك وما أزعل" والله الخالق.
آثار رائعة على سارة بالبيت خصوصاً بعلاقتها مع أختها الصغيرة، خفّت الغيرة وصارت تعرف كيف تحاورها وترشدها. وبتحكي معها بنفس طريقة مس فاطمة "ماذا لو ما كان عنا كذا، شو بصير؟" وببلشوا تخيلات وتفكر. 😍

الأستاذه فاطمه اسلوبها من أروع ما يكون وهيا تتحمس دوما للحصص. والاشي اللي حبيته بهاد المستوى انه محتواه من واقع حياتهم اليومية. وتم الحديث عن مواضيع مهمة مثل الولادة والعورة والطهارة بطريقة كتير ذكية وكافية للأطفال بهاد العمر . لاحظت عندها كثرة التأمل بنعم الله وربط الأسباب بالأفعال و التحليل عند المشاكل وتعبيرها بالكلام عن مشاعرها الإيجابيه والسلبيه أيضا.

الله يكرمكم و يسعدكم و يجزيكم الخير كله على جهودكم مع البنات و ايضا على سعيكم الدائم للتغيير للأفضل 💕 الحمدلله البنات مرتاحين في دروسهم و ما شاء الله بنتي الصغيرة كتير بفرح لما تعلم اخوها الصغير عن فعل الطاعات و تتحدث له عن الله سبحانه وتعالى 💕 و بنتي الكبيره بفضل الله تعالى ستكون انهت البرنامج بكامل مستوياته و جمعت إرث جميل لينمو معها في حب الله تعالى 💕

طبعاً الحمد لله برنامج تفكر غرس فيهم قيم مهمة جداً مثل الحرص على الصلاة والتأمل بنعمة ربنا. وفرح أي حدث بصير معها بتربطوا فوراً بوجود الله وقدرته وإرادته الله يجزيكم خير الجزاء.

رائع لأبعد الحدود والمعلمة استثنائية وبتوصل الأفكار بطريقة رائعة، رغم انه ابني حركي وصعب يقعد ويضل منتبه بس مع المعلمة و طريقة تواصلها معنا باستمرار كتير فرق، لأنه قدرنا نتجاوز أي تحديات طلعت الحمد لله.

الحمدلله موسى كثير مبسوط و مرتاح مع معلمته و زملائه والحمدلله هو بيستفيد و بيتأثر بطريقة اجابية من الدروس. الله يعطيكم الف عافية و يجزيكم كل خير.