الحمد لله، خولة تحسنت مراقبتها لذاتها، انتهت من الكثير من التصرفات السيئة التي كانت تعملها، ونما حبها لله وللرسول من خلال معرفتها لأسماء الله وتجلياتها في يومها، و كذلك أحاديث الرسول، زادت ثقتها بنفسها، وزاد تمكنها من حل مشكلاتها واهتمامها بدراستها بنفسها وهي متحمسة كثيرا للإستمرار في المستوى الرابع

واستشرتها حول تسجيل أخيها في المستوى الأول فشجعتني وأكدت لي أنها ستساعده في حصصه

واضح بشخصية ايلياء وطريقة تفكيرها واجوبتها تأثرها و تطورها. حتى والدها لاحظ هاد الشي. والحمدلله بتتفاعل مع الحصص منيح. وبتحب تشارك فيها. وان شاء الله رح اسجلها بالمستوى اللي بعده.

حازم، تعلق بأسماء الله الحسنى، والألعاب اللي بعملوها بالحصة جميلة جدا وبتساعد جدا بترسيخ المعلومات عنده. بعد الحصة دائما بشاركني بالزبط شو استفاد. منها الأحاديث اللي بحفظوها بالحصة مع المعلمة، وبضل يستخدمها بحياته اليومية وبتذكرها.

ديالا جداً مبسوطة مع مس فاطمة، أسلوبها جداً رائع وما بتحب تفوت الحصص أبداً. تركيزها عم يتحسّن، وتفاعلها مع المعلمة جيد جداً، ومس فاطمة سعيدة جداً بإجاباتها وتقدمها. لاحظت عليها هدوء وثقة أكبر بنفسها شوي شوي، والحمدلله لامسين الأثر الإيجابي عليها. في ميزان حسناتكم، آمين ❤️

الحمدلله فيه آثار إيجابية بتحاول تطبق الي خذته في الحصص، صارت أكثر انضباط للصلاة، احيانا بتقول بعض الأذكار والاستغفار. البرنامج رائع جدا وان شاء الله تكمل معاكم للمستويات القادمة.

غاية الحمد لله دايماً متحمسة للدرس، صارت أكثر مشاركة وانكسرت عندها حواجز الخجل من بداية الدورة. دايماً اللي تاخذه ترجع تدرّسه أخواتها الأصغر.
مبيّن الأثر عليها من ناحية عدم التعجل، والنظر للأمور من جوانب مختلفة، والتفكر فيها، واستشعار مراقبة الله لها.
يعطيكم العافية، ومعلمة فاطمة أكثر من رائعة من جمال روحها، اتمنى تدرّسني أنا! الله يسعدها إن شاء الله.

ناريمان سعيدة بالحصص ومتفاعلة مع المعلمة، وبدأت آثار التفكر تظهر عليها. صارت تحكي قبل ما تنام "أنا كتير بحب رب العالمين."
وعند سؤال ماذا لو ما كان فيه بر والدين، جاوبت ناريمان المعلمة إنه حياتهم بتصير أصعب وربنا بيسرهم للعسرى.

كتير مبسوطين والدورة رائعة حتى وهي أونلاين. المعلمة رائعة وبتشجعه على أبسط الأشياء بأفضل طريقة، والمحتوى بيلبي احتياجاتهم. زيد كان خجول وعنده ضعف باللغة العربية، بس فرق كتير بكلشي، خصوصاً اكتسب طلاقة وثقة بالعربية. صار متفاعل جداً ومتحمس للحصة، والأنشطة اللي بالحصة بعملها مع إخوانه كمان. وفهم سبب الاختلاف بينه وبين الناس اللي بأوروبا.

أكثر ما يلفتني شخصية المعلمة المرحة والقريبة من الأطفال، وطريقتها الجميلة في التفاعل معهم، فهي تستوعبهم وتسمع لهم وتعيش مشاعرهم باهتمام ومحبة. لاحظت تغيراً جميلاً جداً على هدى، أصبحت أكثر التزاماً بالصلاة وصار عندها مراقبة لله سبحانه وتعالى بشكل أوضح. أصبحت تقول "هذا التصرف ما بيرضي الله." وبعد درس التكبر جاءتني وقالت: "ماما أنا أحياناً أتكبر على رفقاتي بالمدرسة، إذا استغفرت رب العالمين هل ممكن يغفر لي؟" سبحان الله، هذا الوعي ومحاسبة النفس بهذا العمر يدل على الأثر الإيجابي الحقيقي الذي يصل للأطفال. جزاكم الله عنا كل خير.

اللقاءات مع أ.براءة بتأكد وبتركز على الأخلاقيات اللي نحاول نغرسها فيه بالبيت. كل ما خلص لقاء وسألته، بيجاوب الحمدلله كان فاهم ومتفاعل. شكراً على اهتمامكم وتركيزكم على غرس القيم الأخلاقية، دوركم مكمّل ومركّز مع دورنا.

تجربة ممتازة بفضل الله وبفضل جهودكم، عنده حماس كبير للحصص ورغبة في التسجيل بالمستوى القادم، ورغم إنه طفل ملول بالعادة لم يشعر بالملل أبداً.
لمست كتير تطورات بشخصيته، أصبح متزناً أكثر، عنده مرونة بالتعامل، وأصبح قابلاً للنقاش والاقتناع. الخجل كتير خف عنده وصار يحب يعبر، حتى إنه صار يحضن أبوه ويحكيله صباح الخير ومساء الخير. وصار يدافع عن حاله بالمدرسة، لدرجة إن الأخصائية انتبهت عليه. أصبح يتعمق بالتفكير أكثر من السابق.

جهودكم جبارة والمعلمات رائعات وأسلوبهم رائع.

عائشة مبسوطة كتير بالبرنامج ومع المعلمة و بتحب معلمتها كتير. عائشة صارت آخر فترة تلتزم بالصلاة، بطلت خجولة كتير كمان، صارت مبادرة أكثر. وكونت صداقات مع البنات اللي بالشعبة وصارت تحكي وتضحك معهم.

صراحةً ساجدة كثيراً مبسوطة، وتضل تستنى السبت والأحد لتأخذ حصتها. الحمد لله ما في أي سلبيات، كله للأفضل إن شاء الله. يا ريت لو كنت أعرف بهذا الكورس من زمان، كنت سجّلتهم من أول يوم. الله يجزيكم الخير ويعطيكن العافية.

الحمد لله، ماشاء الله عليكم وعلى الأستاذة إيناس التي دائماً تجذب انتباه الأطفال. النتائج كانت أفضل مما توقعت، خصوصاً أن سراج مشخّص بـ ADHD، وقد تحوّل من مقاومة الحصص إلى اهتمام وشعور إيجابي تجاهها. تحسّنت مفاهيم كثيرة عنده، ودرس الاحترام أضاف له كثيراً وصحّح له و لنا طرق طرح المفاهيم. ممتنون جداً لجهودكم.

منهج تفكر بالنسبة لي يشبه زرع البذور، ما نشوف المحصول بشكل سريع لكن مع الوقت نبدأ نلاحظ الأثر في تفاصيل ومواقف بسيطة بالحياة اليومية. مرات أسمع من بناتي كلمة أو أشوف تصرف معين وأستوعب أن المعلومة وصلت وترسّخت بطريقة جميلة، وحتى لما أكون مقصّرة شوي بالمتابعة، الأثر ما زال موجود، وهذا يدل على قوة الأسلوب. واضح جداً تعب المدرسات وتمكّنهم والأهم محبتهم وهم يعلّمون الأطفال. الله يبارك لكم في جهدكم ويجعله في ميزان حسناتكم.

كتييير مبسوطة بالدرس، وبتستناه بحماس، ومتفاعلة جدا مع المعلمة، والافكار اللي بتاخدها بلشت تنعكس عليها بحياتها اليومية من ناحية تفكيرها وتصرفاتها ومناقشتها ومحاكمتها للأشياء. المعلمة رائعة بطريقة طرحها، وتعاملها مع الأطفال جدا راقي.

ما أعرف إيش أقول من كثر ما أنا مبسوطة من هذا البرنامج. رسّولي تحسّن كثيراً، خصوصاً بعد ما بدأت أراجع معه الكتاب الخاص بالوالدين وأتابع معه بعد كل حصة. تركيزه أفضل بكثير، صار يقعد لحاله ويشارك بنفسه، ومتحمس للحصة ودايم يذكر الله في كلامه بكل رضى. بدى يفهم ويستوعب مشاعره ويشاركني إياها. صار حريص ما تروح عنه ولا حصة حتى وهو تعبان، ويطبّق الاستغفار والأذكار والأدعية، وأكثر شي مبسوطة عليه الدعاء الحمد لله. وكان عنده رهاب شديد من التحدث أمام الناس، لكنه قفز قفزة كبيرة وصدمني حين ألقى خطبة الجمعة في مدرسته بكل ثقة وثبات. الحمد لله رب العالمين. برنامج يستحق الشكر فعلاً، نفسي أمسك كل الناس وأخبرهم عنه.

فارس أموره جداً طيبة، الحمد لله. كنت خايفة مع تغيّر المعلمة أن يخف حبه للتفكر، لكن أستاذة آية عجين رائعة جداً ما شاء الله، حافظت على حبه للدروس وينتظرها دايماً بفارغ الصبر ويفرح فيها. رغبته وحبه للدروس ومعلميه شيء جداً إيجابي وبيسهّل علينا كأهل إنه يستمر معكم. بارك الله فيكم.

حصص التفكر دائماً رائعة، والأستاذة براء بارك الله لها رائعة، تحاول دائماً تخلي الأطفال مندمجين وتراعي مستوى وتطور كل طفل. تطبّق المنهج وتوصله للأطفال بطريقة تخليه أجمل وسلس الاستيعاب. عمران يحبها كثيراً. ❤️ شكر الله لكم جهودكم، وإن شاء الله نكمل معكم جميع المستويات.