ابني مبارك جزاكم الله خير الجزاء أصبح أكثر وعيًا بمشاعره بفضل البرنامج، حيث تعلم التعرف على مشاعره الإيجابية والسلبية وإدارتها بشكل صحي أصبح يشعر بالسعادة والامتنان بشكل أكبر عند استشعار نعم الله، كما أصبح أكثر تعاطفًا مع الآخرين وحرصًا على مساعدتهم. تعلم أن يحول مشاعر الغضب أو الحزن إلى طاقة إيجابية، مما جعله أكثر هدوءًا وثقة في مواجهة التحديات اليومية

الأثر واضح جداً ومتحمسة لتسجيلها بالمستوى اللي بعده. خفّت حدة الغضب عندها بنسبة 70%، وصارت تنتبه أكثر بتعاملها مع أمها وأبوها وإخواتها. بتردد الأشياء اللي درستها بالحصة خصوصاً عن العطاء والسعادة، وتعلقت كثيراً بصديقاتها بالشعبة والمعلمة، وبتتحمس لمشاريع البرنامج.

الصراحة انا مبهورة بحماس ابنتي معكم، تنتظر الحصة بفارغ الصبر ولاتمل من حضورها كاملة 😍 تحب معلمتها اللطيفة جدا. جزاكم الله كل الخير على ماتقدموه.

مبسوطة رغد، صارت تحكي وتعبر أكثر، اعتادت على المشاركة أكثر وصارت فعالة أكثر. محظوظين بالمس أسلوبها حلو والبنات بحبوها ودورها كبير. مهمتين بالمستوى القادم و ان شاء الله بسجلهم فيه.

ملك كتييير سعييدة مع مس سخاء، مع انها كتير خجولة ومنغلقة على نفسها هلأ صار عندها ذكاء عاطفي مرتفع وصارت تعبر عن مشاعرها. بناتي كتير مرتاحين ومبسوطين مع معلماتهم. ولقوا عالم ينتموا اله.

مبسوطة كتير وبتحب المس سخاء وتركيزها عالي بالحصة ودايما متفاعلة. صار عندها حب للرسول صلى الله عليه وسلم، أي تصرف بتربطه فيه. بعد الحصة بتكون طاقتها عالية.

الحمدلله البنات كتير في تطور بالحياة اليومية بتقدري تلمسي فيهم الأثر، لما دخلت مريم المنهاج كانت بالمستوى الثالث وكان عندها غيرة من أختها الصغيرة وعنف بس هلا الحمدلله تطورت وبلعبوا مع بعض لدرجة انا بطلب منهم يهدوا. أنا صدقاً ما بحب اقطع ومتمنية اضل مستمرة.
شكراً كتير الكم ولحرصكم على الاستفادة والتطور ❤️ برنامج رائع بكل معنى الكلمة.

الاستاذة آلاء ماشاء الله متفانية و مخلصة جدا في العمل. و تعرف كيفية التعامل مع البنات و اتصلت بي للاستفسار على اشياء تخص آيات لتعرف كيف تحل مشاكل تواجهها. ايضا آيات تستمتع بالحصة معها و لا تتأخر عنها. في الأخير لا أستطيع إلا أن اشكرها و اشكركم على هذا الاختيار الموفق و ادعو الله أن يبارك لها و لكم.

جزاكم الله كل خير على الاهتمام. معلمتها ما شاء الله رائعة في طريقتها. اول مرة تحضر الحلقة بنفسها وكانت متشجعة جدا بعد سماع رسالة المعلمة. كم تمنيت ان يكون مثلكم فى المدارس الإسلامية هنا . نحن بحاجة إلى معلمات مخلصات فى عملهم مثلكم.

مس براءة رائعة على جميع المقاييس، فاهمة البنات وعارفة كل واحدة شو نقاط القوة والضعف عندها وبتشتغل عليها، وبتتواصل معها بشكل مستمر. حلا مبسوطة كثيراً وبتحرص ما تغيب عن الحصص.

ثقتها حلا بنفسها عالية، وصارت تسعى لحل المشكلات أكثر وتبدع وتجرب أكثر، والغضب كثير قل الحمدلله. تعاملها مع إخوانها كويس وعندها مبادرة.
والشيء الي كتير مبسوطة منه وكنت شايفته مستحيل لحد السنة الماضية، الحمدلله هلأ حلا عم تلتزم لحالها بالصلاة.

ماريا جداً مبسوطة بالحصص وبتركز وبتتفاعل، وإذا اضطرينا نطلع وما قدرت تحضر بتدايق وبتزعل لانها ما حضرتها. أستاذة براءة ما شاء الله بتعطي كل بنت حقها وبتسمع منها. حتى لاحظت ماريا اكثر من مرة سألت مس براءة عن معنى كلمة معينة والمعلمة شرحتها وتأكدت انه ماريا فهمتها. تحسّنت جوانب كثيرة في ماريا الحمدلله، أكثر شي لاحظته إنه عندها قناعة واضحة وبتفكر أكثر بتصرفاتها، ومن الجانب الديني بلاقيها بتعرف تميّز إنه هاد الشيء حرام وما بيرضي ربنا.

الحمد لله نهى مبسوطة بالدروس وأنا مبسوطة اكثر منها لاني بستمع عن شو بياخدو بالدرس وبنبسط كثير بمحتوى الدرس بكل مرة. ما شاء الله الله يبارك بجهود الاستاذة براءة ويعطيها العافية يارب. اما عن رضانا عن الدورة مبسوطين جدا بها ولهذا السبب تشجعت اكثر أسجل ابني أيضا.

بالبداية كانت رافضة للحضور، بتشعر بالعزلة وبتحس حالها غريبة عن الناس، فعشان هيك ما كانت بدها تحضر، بس هلأ كتير مبسوطة ومتقبلة ومندمجة مع البنات اللي بعمرها وبتتحمس تحضر

ريم مبسوطة كتير وبتتمنى لو الحصة كل يوم، انسجمت مع المعلمة والبنات كتير . فيه تغييرات إيجابية، مثلا صارت تركز بتصرفاتها ومشاعرها. اذا العمل فيه عطاء أو لا، وإذا الغيرة اللي بتشعر فيها إيجابية أو سلبية.

طبعاً الحمد لله برنامج تفكر غرس فيهم قيم مهمة جداً، سارة مثلاً حريصه جداً على الصلاة الحمد لله، وفرح أي حدث بصير معها بتربطه فوراً بوجود الله وقدرته وإرادته الله يجزيكم عنا خير الجزاء.

بحبوا كتير الحصص وعم بستفيدوا. بناتي كتير فرقوا، بالوعي وبطريقة الكلام والمواضيع اللي بحكوا فيها. بناتي الوضع بينهم دايما متوتر بس مع تفكر ماشاء الله صاروا يدافعوا عن بعض بالمدرسة ويوقفوا بصف بعض.

احسن خطوة الصراحة اخدتها مع وسون اني سجلتها ب تفكر. وسن جدا مستمتعه بالحصص وبتنتظر فيها الحمدلله. كتييير فرق معها المنهاج بشخصيتها وبتقبل الفوز والخسارة مثلا بثقتها بنفسها ودايما تكون راضية حتى بفكرها بتتناقش بثقة ماشالله. المس رؤى جدا رائعة وحصة التفكر تجربة رائعة واحنا مكملين معكم بإذن الله بالسنوات القادمة.

ماشاءالله كتير مبسوطين معكم، بحس الطفل بخزن ولما يمر موقف بطلع، توسعت مدارك تفكيره وصار يعرف معلومات أكثر، صار يفهم المشاعر أكثر ويعبر أكثر، تعامله الاجتماعي مع الناس تحسن، ارتفع ذكاؤه العاطفي، المس بتتفاعل مع مشاكل الطلاب وكتير مبسوطة من متابعة المعلمة النا.

كتير حريص على الحضور، صار جريء أكثر بالمشاركة، صار يتقبل العمل الجماعي ويندمج فيه، صار قيادي أكثر، تطور في موضوع الخجل والمبادرة، صار يناقش أكثر بمشاعره وضبطها، ماشاءالله عنها مس أسماء بتطول بالها وبتجذب انتباههم وبتعرف كيف تتعامل معهم.

فيصل كتير بحب الحصص وسبب عدم غيابه حرصه ودافعيته الذاتية وحبه لمس أسماء ما قصرت معه, برجع من عند الجيران عشان يحضر الحصة. صار عنده ربط للمفاهيم مع بناء الحضارة، أنا نفسي أشوف تطبيقات البرنامج على حياته وهذا سبب تسجيلي في البرنامج. يظهر منه بعض السلوكيات في المدرسة غير لائقة فبتواصل مع أستاذة أسماء وتساعدنا جدًا بحل هذه السلوكيات. جزاكم الله خير وأبدًا ما بتردد في التسجيل في المستوى القادم.

برنامج تفكر جدا رائع ولدى إياد انجذاب وحرص وحب غير عادي ، اياد مستمتع جدا بالبرنامج ومنتظم بمواعيد الحصص من تلقاء نفسه. حصص تفكر بذور صالحة في نفوس ابنائنا ستؤتى ثمارها عاجلا آجلا. وسيكون لهم أثرا طيبا في المجتمع وبناء الحضارة حتى ولو بعد عشرات السنين. وكل ذلك في سجل حسنات من أسس وغرس تلك البذور الطيبة. فيه تغييرات إيجابية من حيث التفكر فيما حوله، وثقته بنفسه، وعلاقته بالآخرين، وتحرّر من الانطواء. وأتمنى أن يواصل إياد المستوى الخامس والسادس وما فوق. ☺️ الله يرضى عنكم ويرضيكم طاقم تفكر جميعا ..

ابراهيم كتير مبسوط والمواضيع جدا جميلة، تطور في تفكر بشكل كبير، كان يتجنب المشاركة بس هلأ صار مبادر، كتير مبسوطة ومصدومة من إجاباته. صار عنده إدارة للمشاعر وقدرة على حل المشكلات بدون قلق أو سلبية أو تضخيم للمواقف. كان عنده تحدي اللغة بس تجاوز التحدي و كسب مصطلحات عربية وفهم معانيها، بطبق حل المشكلات والتعامل مع المشاعر وإدراكها، وبشارك الي تعلمه مع أصحابه. ملتزم بالصلاة وتعمق معناها عنده. تأثر بأسماء الله الحسنى والتفكر في الكون. مجهود المعلمة والمنهاج رائعين.

البرنامج أكثر من رائع وجدا جدا سعيدين بالدورة، ابني كان يعبر عن مشاعره فقط بكلمتين (حلو/ مو حلو) هلأ صار يعبر ويناقش ويرسم، وعنده فهم لأسماء الله سبحانه وتعالى، فاهم اكتر مشاعره، ومتعلق اكثر بالله. منتمنى يكون عنده كل يوم تفكر.

بصراحة جهود مشكورة والمادة جداً ممتازة ، فراس الحمدلله صار متقبل للدورة أكتر كحضور.
المعلمة عرين أنا معجبة فيها احضرتلها كذا مرة بتعطي من قلبها وعندها حماس عالي ما شاء الله👏🏻 ، جميل إسلوبها جداً وطاقتها حلوة وعندها اهتمام وهمة واضحة الله ينفع فيها كان الها محاولات في تشجيع فراس.

يعطيكم العافية على الحرص، الحمدلله بشكل عام في تحسن ملحوظ بس بفضل الله الوازع الديني عم يقوى، عم بلاحظه على ما وراء السلوك في مواقف عابرة ألتقط أثر واضح. مآمنة بالمنهاج جدًا وإن شاء الله الغرس ما بضيع.

اسعد جداً مستمتع بالحصص وخصوصاً انها تطبيق للكتب التي قرأها من تفكر 🥰 وبدأنا نلاحظ تغيرات ايجابية من ناحية التعبير عن المشاعر بطريقة اكثر إيضاحا وتفاعلا وحتى صار هو اللي يجهز ويتحمس للحصص.

كثير مندمج ويحب حصص التفكر ويرسخ المفاهيم، التغيرات السلوكية تشكّل لديه وعي ومحاسبة للنفس لم تكن مسبقًا، متحمسة للتسجيل في المستوى القادم وتسجيل أخوته.

الحمد لله أمورهم طيبة، بالنسبة لتيم أصبح أكثر ثقة بإنجازاته بفضل الله، تعامله ازداد لطفًا واحتراما لمن حوله. مستوى تركيزه اصبح أعلى وأكثر فهما لأسماء الله.

ماشاءالله برنامج رائع، احنا رابع سنة لنا على التوالي، وكل سنة عن سنة بفرق كتير، هاي السنة صار عنده مراجعة ومراقبة ذاتية لما يخطأ، ومتقبل لمفهوم الخطأ وإلتزم بالصلاة. التكرار في المنهاج مهم ويركّز المفاهيم بعمق أكبر عند الطلاب. البرنامج يساعدني في هذه المرحلة العمرية الانتقالية في تكوين شخصيته.
متحمسين للتسجيل في المستوى القادم.

عبدالعزيز جدًا مستمتع مع معلمة سخاء وانا سمعت جزئيات من بعض الحصص، المعلمة جدًا رائعه وهي معتبرتهم اصدقاء لها تتناقش معاهم بحب، أحس بصدق مشاعرها و حبها معاهم. يوم للاثنين يقول لي ياماما انا حزين سالته ليش، رد علي ان معلمة سخاء بعد الصيف مابتكون معانا، بيكون معانا معلم بدل معلمه.

كل الأولاد يحبون دورة التفكر ومتحمسين جدا، وأرى تغيرات واضحة عليهم. عبد العزيز كانت إدارته للمشاعر سيئة جدا، لكنه الآن تطور و تحسن واصبح يشاركني مشاعره، والمواقف التي يمر بها في المدرسة.

المعلمة رائعة و أمير مبسوط معها و عم يستفيد من المعلومات كتيير. هو من جديد صار واثق اكتر و طلب مني ما اقعد جنبه بالحصة لمساعدته. مس دلال مو مقصرة و بتعطيه فرصة يفكر ويرجعلها بالجواب، مشكورة جهودها و جهودكم جميعا انتو ما في منكم 💐